Curb Your Enthusiasm (El show de Larry David o a cencielles Larry David n'España) ye una serie de televisión d'Estaos Xuníos d'HBO. Ye una sitcom escurrida por Larry David escritor, co-creador y productor executivu de Seinfeld, quien tamién ye'l personaxe principal de Curb Your Enthusiasm y el productor, guionista y realizador. La serie tamién ye conocida col nome de Curb. Dende'l so estrenu'l 15 d'ochobre de 2000, la serie foi nomada pa más de venti premios Emmy y cinco Golden Globe, ganando la nominación a la meyor comedia en dambos premios.
N'España ye emitida por TNT y poles cadenes autonómiques.
Les hestories trescurren en Los Angeles y tán basaes na vida de Larry David como un semi-reformáu multimillonariu dempués del so ésitu con Seinfeld. La serie ye frecuentemente señalada como una idea reforzada del conceutu de Seinfeld, "un programa sobre nada".
Curb Your Enthusiasm se filma con cámares portátiles lo que fai que la so producción tea fuera del conceutu tradicional o convencional d'una serie televisiva, inorando'l guión y dando preferencia pa los detalles de la escena ya improvisaciones nos diálogos.
Anque la mayoría de les escenes tán basaes n'acontecimientos de la vida de Larry David, él almite que'l personaxe nun ye una semeya perfecta d'él. Nuna entrevista, Larry afirmó que nel personaxe de la serie nun puede ser él verdaderamente dau a la so "sensibilidá" coles otres persones y los convencionalismos sociales.
La última temporada emitir en 2011, ante lo cual Larry David espresó que tres la crítica collechada col final de Seinfeld, dulda de si ye fayadizu da-y un final determináu a esta serie.[1]
En xunu de 2016 anúnciase'l regresu de la serie cola que va ser novena temporada.
© MMXXIII Rich X Search. We shall prevail. All rights reserved. Rich X Search